مجلة الهندسة المدنية الجزء الثاني ......... انطلاقة جديدة
ملاحظة للمشرف : نرجو ا من المشرف التثبيت للأهمية القصوة مع الشكر سلفا ً
بسم الله الرحمن الرحيم
لا أعرف كيف أبدء الموضوع لأن العنوان يختصر الكلام
يعني بخلاصة الكلام بدنا نساوي جزء تاني من مجلتنا مجلة الهندسة المدنية
يلي كلنا عايش الحدث و عشنا أيام جميلة واستمتعنا بعمل الجزء الأول و كان لكل شخص منا بصمة جميلة طبعها بالديفيدي
يعني بفضل الجزء الأول (والفضل لله طبعا ً ) خلى كل واحد بناتنا يتعرف على شخص أو تنين أو أكثر كسبنا صداقة بعض
عرفنا معنا العمل الجماعي و أهم شي عرفنا أنو ما في شي مستحيل و أنو الحلم مهما كان بتصورنا مستحيل فلابد أنو يتحقق إذا الواحد تعب وأمن بفكرتوا وساوى المستحيل لحتى يتحقق , رغم بساطة مشروع المجلة بس كان عمل لا يستهان به ومتل ما بقولوا مسيرةالألف ميل تبدأ بخطوة
وبناء ً على طلب الطلاب الأعزاء (و أنا واحد منون) أنو يكون في جزء تاني و بعد أخذ المشاورات قررنا نحن آل المدني الكرام أنو نعمل الجزء الثاني من مجلة الهندسة المدنية
وهاد بيتطلب تحدي كبير كتير و عمل و جهد أكبر وأكبر
لأن متل ما بتعرفوا العيون صارت علينا و النجاح الكبير بيتطلب مسؤلية أكبر
لهيك نحن ما رح نرضى أنو يكون عمل ناجح فقط و أحسن من الجزء الأول نحن بدنا نعمل عمل لو أجتمع طلاب جامعات العالم كلها و بدون يساوا متلوا ما بيطلع بيئدون (بعرف أنو عم اتحدى المستحيل بس نحن بتعبنا بنغلبوا)
يعني شو ناقصنا ما شاء الله عنا طاقات ومواهب وشباب متحمسة
لهيك أهم شرط لازم ناخدوا بعين الأعتبار في عمل المجلة هو أنو يكون عدد حارق خارق لا يسطيع أحد عمل متلوا
من شان نوضع هي العبارة على البوستر بكل ثقة "أفضل قرص هندسي على وجه الأرض"
و نحن هلأ صار معنا ميزة مهمة جدا ً و هي تعلمنا من أخطائنا و أكتسبنا خبرة كبيرة من عمل الجزء الأول
بعد هي المقدمة القصيرة و المختصرة بنفوت بالموضوع مباشرة ً .
أعزائي المشاهدين معكن أمورة الشطورة من قناة عيلة المدني في لقاء خاص و حصري مع زياد
س : لماذا بدءنا بالعمل مبكرا ً ؟
ج : السبب هو ليكون لدينا المتسع الكافي من الوقت و ناخد راحتنا و ايضا ً قسم كبير من كادر عمل المجلة أصبحوا سنة خامسة و عندون مشروع تخرج و هزة كتف غير شكل , كل هذه الأسباب و أسباب أخرى جعلتنا نبدأ مبكرا ً .
س : ما المواضيع التي ستطرحونها في الجزء الثاني ؟
ج : يبدوا يا عزيزة أنك لم تشاهدي الجزء الأول , لذلك سألتي هذا السؤال , سأجاوبك , القالب العام للمجلة هو نفسه ذاته يعني , مجلة : علمية , ثقافي , ترفيهية , وكذلك الأقسام العامة ضمن كل فرع من الفروع السابقة ذاته و إذا تم أقترح أي قسم أو فرع جديد سنأخذ ذلك بعين الأعتبار .
س : ما هو مصدر المواضيع و الأقسام بالمجلة ؟
ج: سؤال جميل أشكرك عليه , المصدر الأساسي هو الأنترنت و كذلك ما يقدمه لنا الطلاب من مشاركات و أقتراحات .
س: هل ستأخذون جميع المشاركات من الطلاب ؟
ج : أمممممم , حسب المشاركة هل هي مناسبة أم لا هل هي مكررة أم لا , المهم بقدر الأمكان سنحاول أرضاء الجميع .
س: هل سيكون بالمجلة مفاجئات ؟
ج: مفاجاءات لن تتوقعوها يعني لا توصف و رح تعجب الجميع من هي المفاجاءات هي رعاية مكتبة ركن الهندسة للجملة و رح تقدمنا شغلات هي بذات نفسها مفاجئة .
س : متى موعد صدور المجلة ؟
ج: إن شاء الله في الأسبو ع الثالث من بدء الدوام للفصل الدراسي الأول .
س: هل تتوقع مشاركة كبيرة من الطلاب في هذا العمل ؟
ج: و الله بحسب ردت الفعل يلي شاهدتها بعد العدد الأول بتوقع مشاركة كبيرة كتير وكثيفة .
س: هل ستكون المجلة قد التحدي يلي عم تتحدثوا عنوا ؟
ج : ستشاهدين بعينك إن شاء الله .
س: كلمة أخيرة ؟
ج: يا شباب المدني جميعا ً الغايب يعلم الحاضر و الحاضر يعلم نفسوا يلي بحب يشاركنا بهذا العمل فأهلاً و سهلا ً به هذا العمل عملنا جميعا ً و النجاح هو نجاحنا جميعا ً وبتمنى من الجميع يشارك بيلي بيقدر عليه .
إن شاء الله انا هلأ عم أعمل على التحضيرات الأولية و إن شاء الله بنزل موضوع تاني بنشرح كل شي بالتفصيل يعني إن شاءالله قريبا ً جدا ً و بتمنى من يلي بدوا يشارك بالمجلة يحط بصمة بهاد الموضوع و بتشكر الجميع فردا ً فردا ً (ما رح أذكر أسماء من شان ما إنسى حدا) من يلي شاركوا بالجزء الأول و ساهموا بنجاح الجزء الأول بتمنى إذا نسيت أي ملاحظة تخبرونا فيها و إذا في أي استفسار فأنا جاهز , و السلام عليكم و رحمة الله و بركاته .
بتشكرك زياد على هذه المقابلة
أهلين أختي أهلين
و أخيرا ً شكرا ً للجميع على حسن المتابعة و الصبر للوصول إلى هنا , كانت معكون مندوبة قناة عيلة المدني أمورة الشطورة .
سلامممممممممممممممممم
مشروع لطلاب الصيدلة "ترجمة موسوعة التقنية الصيدلانية"
مجلة الهندسة المدنية الجزء الثاني ......... انطلاقة جديدة
